صفات الشبـــاب وما حد يزعل هة ...

صفات الشباب

لما يحكيلك أنا صريح بكون 'كذاب' ولو حكالك أنا غامض بكون 'هبيلة' .

لو حكى عن المجتمع وعن البنات كيف صاروا بكون تاع شات و مش عارف يتعرفله على جاجة .

لو حكى إني ما بطلب إشي من أهلي بكون وصولي وصلبتجي .

أنا عرفت بنات أد عدد شعر راسك وهو بكون مش لائي وحدة تتطلع بوجه .

· أنا بكره البنت المعقدة وبكره البنت الصايعة بفاجئك انه بدور على الصايعة يصاحبها والمعقده يتزوجها ...

أول مرحلة من التعارف

? لما تشوفي إنه سيارته قديمة بحكيلك انه كان معاه BMW ونشطبت بحادث قوي على طريق المطار وكان رح يموت

? أول مرة بكون نظيف والعطر ريحته طالعه وأكيد حالق وبعد كم مرة بتكون نفسيتة تعبانة ومش مفرشي اسنانه

? أول اللقاء بكون معاه موبايل (I mate) تاني يوم بتلاقي معاه موتورولا ابو سلك وبحكيلك معلش عشان موبايلي إنسرق ...

وين بتحبي تروحي ?-البنت على BLUE FIG -الشب لا بس المكان إللي جنبه أحلى..... (عشان أرخص)

? بفتح أدامك المحفظة علشان يورجيكي كروت الفيزا والماستر وهم بكونوا لأبوه و expired

? أكيد بحكيلك إنه ساكن بعبدين وبعدين بتكتشفي إنه ساكن براس العين

? أكيد بحكيلك عن طووشة وبطولاته وكيف ضرب الشباب وهو ما صارلو إشي ( والحقيقة بكون هو إللي أكل الأتله كلها)

المرحلة الثانية من التعارف

· حبيبتي أنا ما بحب الأماكن العامة عشان إزعاج الناس وعشان ما يشوفنا أخوكي ... (تلميح لشقة)

· تلفون الليل دائما رومانسي والصوت المبحوح النايم
· بحكيلك انه طالع يسهر (ب الناي أو رد) وبتلاقيه ببار (أميجو ) بشارع الجامعة

· ولما ما يكون معاه مصاري (وهادا الوضع الطبيعي) فجأة بتلائي حالك بشارع المطار والبنزين ضاوي

· لو مسكتكم الشرطة على طول بصير 'حاضر يا سيدي وعلى راسي وقال وقولنا بعد ما يكون معك أل وألنا '

· بطلع معك بقميص ZARA وفجأة بتشوفوا صاحبة بحكيلو القميص بجنن عليك (طبعا بكون القميص لصاحبه)

بكون لابس جاكيت جلد وبحكيلك إنه إيطالي وإنه ما بنحرق لأنه جلد أصلي وفجأة لما يولع سجارة بتلائيه هب هو والجاكيت·

· بكون لابس نظارة بحكيلك إنها مارك police وفجأة بتوقع وبتمسكيها بتلائيها made in china

· لو عزمك على عشاء بحاول يضيع الموضوع وبخليها شرب سوائل

· وبجكيلك انه المشروب عنده زي المية وهو لما يشم ريحته بدوخ

· لما يسألك وين بتحبي تروحي إنتي بتحكيلو على ROVERS هو بحكيلك أنا كل يوم هناك ولما تروحوا بيسألك وين الحمام .

· لما تتعشوا سوا بحكيلك دوئيني من صحنك وفجأة بتلائيه خلصلك صحنك وصحنه

· بسألك شو بدك تاكلي ( المطعم المكسيكي)تقولي (فاهيتا) وعشان هو مش عارف إنتي شو طالبة فبحكي خلص زي ما إنتي طالبة

· ولما تيجي الفاتورة بيعرق - ليش هيك إحنا ما طلبنا إشي لو سمحت ليش هيك الفاتورة

· أنا ما معي فراطة... (عشان Valet و البقشيش)

· بعد ما تحكي شكرا على العزومه بحكيلك ما هو الجيبة وحده أنا اليوم وإنتي بكرة

· لما تنزلوا على البحر الميت انتي بكون معاكي في الشنطة شامبو وكريمات وصن أويل وهو بتلائيه بشاكير (للعلم الفندق بيعطيك بشكير) وفاين على الجنب وكيس بزر في قاع الشنطة وحفاي و أنينة مي جايبها من الدار (عشان ورقة ماء غدير بتكون رايحة)

المرحلة الأخيرة من التعارف

لو بدو مصاري منك بحكيلك انه متخانق مع أهلوا أو عليه دين أو خربت سيارته·

أبل يوم عيد ميلادك بشهر بكون يخطط كيف بدو يكون يوم عيد ميلادك وأتريه بكون بفكر كيف بدو يتخانق معك طبعا تمثيل عشان توفري علية الهدية (بعد ما تكوني جايبتيلو كل هدايا الأردن) ·

· لما تشوفي موبايلو عليه صورة أطفال بحكيلك هدول أولاد أختي وبعدين بتكتشفي إنهم أولاده

ولما بدو يتركك بصير يعمل حالو كتير مشغول وبحكيلك انه ما بفكر في الزيجة أبدا وياريت نكون إخوان( بعد 3 سنين تعارف) ·
لما يحكي أنا مش جاهز للزيجة (إلا بعد 5 سنين ) بس تتركيه بعد بيومين بيخطب بنت خالته عشان إمه بدها هيك .
.